ရခိုင်ပြည်နယ်
ပုဏ္ဏားကျွန်းမြို့နယ်မှာတည်ဟိရေ
သမိုင်းဝင်
ဦးရာဇ်တော်ဓါတ်
ဆုတောင်းပြည့်စေတီတော်မြတ်ကြီး
သမိုင်းအကျဉ်း
မဟာသက္ကရာဇ် ၉၇ ခုနှစ်မှာ ဓည၀တီ ရခုင်ပြည်ကြီးကို စန္ဒသူရိယမင်းမြတ်ထီးဖြူအုပ်ချုပ်မင်းလုပ်ခရေအခါက မာဂဓတိုင်းမှာ သုံးလောကထွဋ်ထား ရှင်တော်မြတ်ဘုရား ပွင့်ထွန်းပေါ်ပေါက်နီလို့ လူနတ်ဗြမ္မာ သတ္တ၀ါအပေါင်း ရို့အတွက် တရားဒေသနာတိ ဟောညွှန်ပြနိန်စွာတိကို စန္ဒသူရိယမင်းမြတ်ကြားတော်မူလို့ ယင်းဘုရင်မင်းမြတ်သည် ဘုရားရှင်ကို ဖူးမြင်ချင်ရေ အာသာဆန္ဒတိ ပြင်းပြနီရေအခါ ဘုရားရှင်အား ဓည၀တီ ရခိုင်ပြည်သို့ ဘုရားရှင် ကိုယ်တော်တိုင် ကြွရောက်ဖို့အကြောင်းကို ရွှီနန်းတော်ကနိန်ပနာ မြင့်မြတ်ရေနိန်ရာက နံ့သာ. ဆီမီး. တင်းခွန် (တံခွန်) .ထီး . ကုက္ကား. ရီချမ်း. ပန်းပေါက်တိနန့် ပူဇော်ပသပလို့ ပင့်လျှောက်ပနာ ဆုတောင်းလိုက်၏။
ယင်းအကြောင်းကို ဘုရားရှင်ရေ ဇေတ၀န်ကျောင်းက သဗ္ဗညုတရွှီဉာဏ်တော်နန့် ဆင်ခြင်လိုက်တေခါ ငါ ဘုရားရေ ဓည၀တီ ရခိုင်ပြည်သို့ မကြွဘဲရာ နီခဖို့ဆိုကေ ဒေ စန္ဒသူရိယ မင်းကြီးရေ အကျိုးမဟိဘဲနန့် စုတေ့ ပျက်စီးလီဖို့ယာ။
တကယ်လို့ရာ ငါဘုရားကို ဖူးမြင်လိုက်ရကေ အေ မင်းနန့် တကွ ပြည်သူပြည်သားတိမှာလည်း ကောင်းကျိုးချမ်းသာ မင်္ဂလာအပေါင်းတိ တိုးပွါးလတ္တံ့။
ငါဘုရား၏ကိုယ်စားတော်ရာထားခကေ သာသနာတော်လည်း ကာလကြာယောင်တည်လတ္တံ့။ ရဟန်း ရှင် လူ ပြည်သူအပေါင်းတိလည်း သရဏဂုံ တည်လတ္တံ့ ဆိုပြီးကေ အနာဂတံသဉာဏ်တော်ဖြင့် ဆင်ခြင်လိုက်တေခါ ဓည၀တီ ရခိုင်ပြည်သို့ အကြောင်းသုံးပါးနန့် ညီပနာ ကောင်းကင် ခရီးနန့် သိကြားမင်း ဖန်ဆင်းထားရေ ပြဒ်ဿဒ်ပျံ ငါးရာနန့် နောက်ပါ သံဃာ ငါးရာ ခြံ ရံ ပနာ ဘုရားရှင်ရေ မဟာသက္ကရာဇ်( ၁၂၃)ခု. ဘီစီ- ၅၅၄ ခုနှစ်မှာ ၊ ဓည၀တီရခိုင်ပြည့်သို့ ကြွရောက်လာပနာ ဓည၀တီ မြို့ကြီး၏ အနောက်ဖက်ကမ်း၊ ဂစ္ဆပနဒီမြစ်၏အရှိဖက် သေလာဂီရိ ကျောက်တော်တောင်ထိပ်မှာ ဆင်းသက်ရပ်နားလို့ နောက်အနာဂတ်မှာ ငါဘုရား၏ ဓါတ်တော်မွီတော်တိကိတ်းစပ်စမ္ပါယ်ဖို့ နိန်ရာ အေသတိကို ဘုရားရှင် ဗျာဒိတ်တော်ပီးခစွာမှာ သေလပိဋ္ဌိ ဦးရာဇ်တော်တောင်ထိပ်မှာ ငါဘုရား၏ ဦးဂေါင်းခွံက ကြွင်းကျန်ရေ ဓါတ်တော်တိ ကိန်းဝပ်ပနာ ၊ ဦးရာဇ်တော်စေတီလို့ ခေါ်တွင်လတ္တံ့ လို့ ဗျာဒိတ်တော်မြွတ်ကြားခပါရေ။
ဘုရားရှင် ပရိနိဗ္ဗာန်စံလွန်တော်မူလားလို့ ပါဒလိပုတ်ပြည်မှာ သီရိဓမ္မသောကမင်းကြီးရေ ရဟန္တာ အရှင်မြတ်တိကိုလျှောက်ပနာ ဘုရား၏ဓါတ်တိကို ရခိုင် ဘုရင် သူရိစက္က မင်းကြီးအား ဆက်သဖို့အတွက် အရှင် မဟာတိဿ နန့် အရှင် ဗာကုလ ရဟန္တာ အရှင်မြတ် နှစ်းပါးအား လျှောက်ထားပနာ ယင်းရဟန္တာ နှစ်ပါးရေ ဓါတ်တော်တိကို ပင့်ဆောင်လာပနာ ရခိုင်ဘုရင် သူရိယစက္ကပါးသို့ဆက်သ ပြီးကေ သာသနာ သက္ကရာဇ် (၂၂၂) နှစ် တန်းဆောင်မုန်း လပြည့်ကျော် (၁) ရက်နိန့်မှာ ရလိုင်ဘုရင် သူရိယစက္က နန့် မိဖုရား ရုစိတာ တို့ရေ ၊ သေလပိဋ္ဌိ တောင်ထိပ်မှာ အမြင့် နွားလားကြီးး ဥဿပ တမော့စာ (၆)တောင် လုံးပါတ်တော် (မင်းလံ- ၂၀) ဟိ စေတီငယ် တစ်ဆူကို ပဋ္ဌမ အကြိမ်အဖြစ်တည်ထားကိုးကွယ်ခပါရေ။
ယင်းနောက်ပိုင်းမှာ ရခိုင်ဘုရင် မင်းဖလောင်းရေ မြောက်ဦးမြို့က အနောက်ပြည် ဘင်္ဂလာသို့ စစ်တိုက်ဖို့ထွက်လာရေခါ ကင်းချေင်းဝ အနားမှာ စခန်းယာယီချေချပနာ အနားယူရေအလိုက်အတန့်မှာ သေလာပိဋ္ဌိ တောင်ထိပ်နန့် သာလာမယတောင်တော်သို့ ရောင်ခြည်တော်တိကူးနိန်ရေစွာကို ယင်းဘုရင်မင်ဖလောင်းကဖူးမြင်ရလုိ့ ဘုရားတပည့်တော်ရေ အနောက် ဘင်္ဂလာမှာစစ်တုက်ရာမှာ စစ်အောင်မြင်ပါက စေတီတော်ကို အသစ်တစ်ခါ ထပ်မံပနာ ဒါယကာခံယူပါမည်လို့ အဓိဋ္ဌာန်ပြုလို့ ဆုတောင်းပနာ စစ်တိုက်ရာမှာ အောင်မြင်ရေအတွက်တာနန့် ကောဇာသက္ကရာဇ် (၉၄၁)နှစ်မှာ သေလာပိဋ္ဌိတောင်ထိပ်မှာ ကျောက်ညို ကျောက်သားတတိနန့် အမြင့်ဉာဏ်တော် သံတောင် (၁၀၀)ပေ ( ၁၅၃)လုံးပါတ်တော် (မင်းလံ -၈၀) ပေ ၄၀၁ ပေဟိ စေတီတော်ကြီးကို ပန်းရံဆရာကြီး (၁၀၀၀) နန့် တည်ပနာ ၁၂ နှစ်ကြာ ကောဇာသက္ကရာဇ် (၉၅၃) အေဒီ (၁၅၉၁)ခုနှစ်မှာ ပြီးစီးပါရေ။
စေတီတော်ကြီး၏အတွင်းမှာ ဘုရားရှင်၏ ဦးခံတော် က ကြွီကျလာရေဓါတ်တော်၊ ပိဋကတ်သုံးပုံ ကို ရွှီပြားတင်ပနာ အဂ္ဂသာဝက၊ မဟာသာဝက ရဟန္တာ အရှင်မြတ်တိ ဓါတ်တော်ကိုပါ ထပနာထာဗျာလ် မိဖုရားစိုးမဲကျီ၏ သားရင်သွီးပိုင်ချစ်ခင်မြတ်နိုးရေ ပြည်တန်ပတ္တမြားမျက်ရှင်ကိုပါ စေတီတော်ကြီးအထက်ထပနာထည့်သွင်းပနာ တည်ထားကိုးကွယ်ပနာ ဘုရင်မင်းဖလောင်းရေ စေတီတော်ကြီးတည်လို့အပြီးမှာ သဗ္ဗညုတရွှီဉာဏ်တော်အမှန်ပနာ ဧကန်မုချဘုရားဖြစ်ဖို့ဆိုကေ ဤမြီးကြီးက ရီစင်တိထွက်ပေါ်လာပါစီသတည်းလို့ဆုတောင်းအဓိဋ္ဌာန်ပြုလို့အပြီးမှာပင် မြီးကြီးက ရီစင်တိထွက်လာခပါရေ အဂုလေ့သွင့် ယင်းမင်းဖလောင်းအဓိဋ္ဌာန်ခရေ ရီတွင်းကရီတိကို ဘုရားဖူးရောက်လာဂတ်တေ ရဟန်း၊ ရှင်၊ လူ အပေါင်းတိသောက်သုံးနီဂတ်ပါရေ။
ယင်းအတွက်တာနန့် အေ ဦးရာဇ်တော်စေတီရေ အမှန်ပင် သမိုင်းဝင်ရေ ဘုန်းတန်ခိုးကြီးပါရေ ဆိုစော်ကိုရီးပနာတင်ပြလိုက်ရပါရေ။
မှတ်ချက်။
ဦးရာဇ်တော်စေတီဂေါပကတိပါးကလက်ဆောင်ဖြတ်ပိုင်းကိုမှီပနာ
အတတ်နိုင်ဆုံး ရခိုင့်လီသံနန့်ဘာသာပြန်ပနာရီးလိုက်ပါယင့်
အမှားချေတိ အသုံးအနှုန်းဝေါဟာရတိမှားယွင်းပနာပါခကေ
ဦးရာဇ်သားသျှေ၏အမှားတိပါရာ
လာပနာအားပီးဂတ်တေပရိသတ်တိကိုကကောင်းကျေးဇူးတင်ပါယင့်။။။။။။။
No comments:
Post a Comment