ညီညွတ်ခြင်းသည် ခွန်အား Unity is strength

ညီညွတ်ခြင်းသည် ခွန်အား
Unity is strength
“ ညီညွတ်ခြင်းသည် ခွန်အား,,ဒေစကားကိုလူအများကြားဖူးဂတ်ပါလိမ့်မေ၊ သို့သော် လက်တွိမှာလိုက်နာမကျင့်သုံးကတ်လို့ လူ့ပတ်ဝန်းကျင် အသိုင်းအ၀ိုင်းအများအပြားမှာ ကွဲကွဲ ပြားပြား ကစဉ့် ကလျားဖြစ်ပနာ ဖရိုဖရဲ ပြိုကွဲပနာတိုးတက်ရေးကို ကျော့ခိုင်းလို့ ဆုတ်ယုတ်မှုဖက်ကိုဦးတည်လျက်လျှေက်လှမ်းနီကတ်စွာကို လူတိုင်းတွိမြင်ကတ်ပါဖို့ရာ။ လူတစ်ယောက်အနီနန့်သူ့ဘ၀ကြီးပွါး
တိုးတက်အောင်မြင်ရေးကိုသူတစ်ဦးတည်းလုပ်ကိုနိုင်ကေလေ့အများနန့်သက်ဆိုင်ရေရပ်ရွာမြို့ပြနိုင်ငံလူမျိုးတစ်ခုလုံးဖွံ့ဖြိုးအောင်မြင်တိုးတက်ရေး လွတ်မြောက်ရေးအတွက်လုပ်ဆောင်မေဆိုပါကေလူအများစုပုးပေါင်းပါဝင်ဆောင်ရွက်ရပါမေ။
ယင်းပိုင်အများနန့်ဆိုင်ရေလုပ်ဆောင်မှုတိကိုလူအများအပြားပါဝင်လုပ်ကိုင်နီရေနိန်ရာမှာ လူအများစုကညီညွတ်မှုဟိပါမှ အများပြည်သူ
ကောင်းကျိုးအတွက် ရီးဆွဲထားရေ အစီအစိုင်ကို တခုပြီးတခု အယင်ဆုံးအကောင်အထည်ဖော်ဆောင်ရွက်နိုင်မေဆိုကေ ဖြစ်နိုင်ပါရေ။ အေပိုင်ဆိုကေ လူအများစုညီညွတ်မှုစွာ ပူးပေါင်းဆောင်ရွက်နိုင်ဖို့ မုချလိုအပ်နီပါဗျာလ်။ လူအများစု ညီညွတ်ဖို့အတွက်
အဓိကအရေးအကြီးဆုံးမှာ အများ၏ဦးဆောင်လူကြီးဖြစ်တေလူနည်းစုအနိန်နန့် ညီညွတ်ဖို့ဟိဖို့လိုအပ်ပါရေ။ ခေါင်းဆောင်ဖြစ်တေ
လူနည်းစုတိ ညီညွတ်ရေးမှာ ခေါင်းဆောင်အချင်းချင်းတစ်ယောက်နန့် တစ်ယောက် သံသယကင်းပနာပုဂ္ဂိုလ်ရေးဆိုင်ရာ
အားနည်းချက်ချေတိကိုမကြည့်ဘဲနန့် အများအတွက်ဇာလောက်လုပ်ကိုင်နိုင်လေ ဆိုရေ အားသာချက်ချေတိကိုကြည့်ပနာ ယင်းလူ၏အားနည်းချက်ကိုလည်း နားလည်ပီးရပါမေ။ No man is perfect လို့ ပညာရှင်တိ မိန့်ဆိုထားပါရေ ။ အရာရာတိ
ိမပြည့်စွုနိုင်ရေလူတိအတွက် တကွေ့ကွေ့ မှာ အမှားတစ်ခုကိုပြုလုပ်မိပါလိမ့်မေ။ ယေကေလေ့ယင်းအမှားရေ အများနန့် သက်ဆိုင်ရေ
အမှားမျိုးမဟုတ်ပါကေ ယင်းအမှားအတွက်အပျက်သဘောဆောင်ရေ ဝေဖန်မှုမျိုးကိုမပြုလုပ်သင့်ပါ။ ချွတ်ယွင်းချက်တိုင်းကိုရာ
ဝေဖန်ထောက်ပြနီကေ ဇာနီရာမှာမှ ညီညွတ်မှုကို တည်ထောင်နိုင်လိမ့်မေ မဟုတ်ပါ။
သက်ဆိုင်ရေဘာသာရပ်တိကိုသင်ကြားတတ်မြောက်ထားရေ ခေတ်မှီ မျိုးဆက်သစ်လူငယ်တိုင်း ‘’ အိုင်တီ,, ခေတ်ဖြစ်တေ ကမ္ဘာကြီးအတွင်းအတိုင်းအဆမဟိဖွံ့ဖြိုးတိုးတက်နီရေနိုင်ငံတိကိုမြင်တွိနိုင်ပါရေ။
ယင်းပိုင်ဆိုကေ ၁၇ ရာစု အစောပိုင်းက ကမ္ဘာ့ထိပ်တန်းဝင်ခရေ အဖရခိုင်ပြည် သူတစ်ပါးလက်အောက်ကိုရောက်မှာ ဒေနိန့်ထက်ထိ နှစ်ပေါင်း ၂၂၅ နှစ် ကြာယောင် ဇာကြောင့် ကျရောက်နီရလေဆိုစွာ တစ်ခေါက်လောက်စိုင်းစားပီးကတ်ဖို့မကောင်းပါလား။
စိုင်းစားလိုက်ကေ…… အသက်ရှူလို့တောင်မ၀နိုင်ပါ။
စာရီးသူအနိန်နန့်ပြောရဖို့ဆိုကေ( အပြုသဘောနန့် ဝေဖန်ရဖို့ဆိုပါခကေ )ရခိုင်ပြည် လွတ်လပ်ရေးအတွက်လုပ်ခကတ်တေ အျိုးဆက်သစ်အဆက်ဆက်ကလူတိစွာ ဂေါင်းအချင်းချင်းသဘောထားကွဲလွဲစွာကစလို့သူ့ဖက်ကိုယ့်ဖက်ရခိုင်သားအချင်းချင်း
အပြန်အလှန် တိုက်ခိုက်ပနာ ရခိုင်လွတ်မြောက်ရေးကနီ ရခိုင်သားအချင်းချင်းသတ်ဖြတ်ရေးကိုကျရောက်လားဗျာလ်။
ဂေါင်းဆောင်အချင်းချင်းညီညွတ်မှုမဟိခလို့ဖြစ်ပါရေ။ တိုးတက်နီရေနိုင်ငံတိုင်းမှာ
မျိုးဆက်သစ်တိစွာ တစ်ဆက်ထက်တစ်ဆက် မိမိနိုင်ငံအတွက်ဖွံ့ဖြိုးတိုးတက်ယောင် လုပ်ကိုင်နီစွာကိုမြင်ကေ ရခိုင်မျိုးဆက်တိအနိန်နန့်လည်း အဂုအချိန်မှာ တစ်ယောက်ကိုတစ်ယောက်အပြစ်တင်ဝေဖန်ပနာလက်ပိုက်ကြည့်နီဖို့အစား အဖရခိုင်ပြည်အတွက်တခုခုပြောင်းလဲယောင်လုပ်သင့်ပါဗျာလ် လုပ်ချိန်လည်းရောက်နီပါဗျာလ် နောက်တော့ခါကျနီပါဗျာလ် ယေဒါလေ့သွင့်........... ထလိုက်ပနာ လုပ်ကေ မှီပါသိမ့်ရေလို့ထင်ပါရေ။
ကိုယ်နိုင်ရေဖက်က စာပီနန့် တတ်နိုင်ကေ စာပီနန့် ဖေ့သာနန့် တတ်နိုင်ကေ ဖေ့သာနန့် စွမ်းနိုင်ဖေက်က နီပနာ ကူညီဆောင်ရွက်ဖို့ဆိုကေ မှီသိပါရေ။
လူ့လောကထဲကိုရောက်လာကတ်တေ ရခိုင်သားရို့ အင်းနုန်း စွာ အသက်ရှင်ဖို့ သတ်သတ်မွီးလာစွာမဟုတ်ပါ။
ကိုယ်တတ်နိုင်ရေ ရီတစ်စက်ချေပင်ဖြစ်ဖြစ်၊ သဲတစ်ပွင့်ချေပင်ဖြစ်ဖြစ် လောကအတွက်မဟုတ်ကေတောင်မှ အမျိုးသားရေးအတွက် ကိုယ်နိုင်ရေတာဝန်ကိုထမ်းဆောင်ဖို့အတွက်မွီးလာခြင်းဖြစ်ပါရေ။
လက်ဟိကမ္ဘာမှာ ဖွံ့ဖြိုးတိုးတက်မှုမှာ ထိပ်ဆုံးအဆင့်ကိုရောက်နီရေ ဂျပန် နိုင်ငံဆိုစွာလေ့သွင့် အယင်ခေါက်က အင်္ဂလိပ်လက်ချက်တိကြောင့် တစ်နိုင်လုံးပြာကျပနာ လူမျိုးတုန်းလုနီးပါး အခြေအနေထိရောက်ဖူးခပါရေ။

‘’Every man has their own value,, လူတိုင်းမှာ သင့်တော်ရေ တန်းဖိုးတိဟိကတ်ပါရေ တန်ဖိုးဟိရေလူတိကို အသုံးချတတ်တေ လူတစ်စုကဦးဆောင်ပနာ ညီညီညွတ်ညွတ် နန့်သူ့နိန်ရာသူ အသုံးချတတ်ကေ ချတတ်ဖို့ဆိုကေ…..။
ညီညွတ်မှု၏ခွန်အားနန့် အဖရလိုင်ပြည်မျိုးဆက်သစ်ချေတိကို ရီတစ်စက်၊ သဲ တစ်ပွင့် အဖြစ်နန့်ကူညီကတ်ဖို့ကေ အနာဂတ်မျိုးဆက်သစ်ချေတိ ဖူး ပွင့် သီးပနာ မွှီးကြိုင်လာဖို့ဆိုကေ………………
ညီညွတ်မှုသည် ခွန်အားတစ်ခုမဟုတ်ပါလား။



ဦးရာဇ်မြီသားသျှေ