စပါးထွက်နုန်း ကောင်းကေလည်းသွင့် ဈီးမတက်လို့ လယ်သမားတိ မပျော်နိုင်

11/30/2009

အေနှစ်အတွင်းမှာ ရခိုင်ပြည်နယ်အတွင်း စပါး အထွက်နုန်းကကောင်းကေလေ့သွင့် စပါးဈီး မြင့်တက်လာခြင်း မဟိလာရေအတွက်တာနန့်ရခိုင် လယ်သမားတိ အိနိန်နန့်မပျော်ရွှင်နိုင်ဂတ်ဘဲ ဖြစ်နီဂတ်တေလို့ရခိုင်တောင်သူ ဦးကြီး တဦးက ပြောသည်။

“စပါးကတော့ ယခင်နှစ်ကနန့်စာကေ ဒေနှစ်မှာ ကကောင်းအထွက်နုန်းကောင်းပါရေ။ ခက်စွာက စပါးဈီးက မကောင်းနိုင်လို့ လယ်သမားတိမပျော်နိုင် ဖြစ်နိန်ဂတ်ဗျာလ်။”

ရခိုင်ပြည်နယ်မှာဒေဂုနှစ် စပါးပေါက်ဈီးမှာ တောင်း ၁၀၀ ကို ကျပ် တသိန်းခန့် ဟိပါရေ။

“စပါးဈေးကတော့ခါ ငြိမ်နိန်ပါရေ။ ဆန်ကုန်သည်တိက စပါးတောင်း ၁၀၀ ကိုဖေ့သာ ကျပ် ကိုးသောင်းခွဲ ပီးပါရေ။ စစ်တပ်ကတော့ခါ ဖေ့သာကျပ် တသိန်းတသောင်းခွဲပီးပနာ ၀ယ်နိန်စော်တိကို တွိရပါရေ” လို့ သူက ပြောပါရေ။

စစ်တပ်က သက်ဆိုင်ရာ တပ်ရင်း ရိက္ခာအတွက် စပါးတိကို ဒေသ ပေါက်ဈီးထက် တစိချေမြင့်ပနာ ၀ယ်ယူကေလည်း သွင့် အများကြီးဝယ်ယူစွာကမဟိသိလို့ သိရပါရေ။

ရခိုင်ပြည်နယ်ကထွက်တေ ဆန်စပါးတိကို ဘင်္ဂလာဒေခ်ျ့နိုင်ငံသို့ တင်ပို့ရောင်းချရေအလေ့အထဟိလို့ ရခိုင်ထွက် ဆန်စပါးတိကို စတင် ပနာ တင်ပို့ဖို့အတွက် စီးပွားရေး သမားတချို့က စီစဉ် လုပ်ကိုင်နိန်ဂတ်တေဆိုရေ အကြောင်းကိုလည်းသိရပါရေ။

ရခိုင် တောင်သူလယ်သတိ အနိန်နန့် စပါးအထွက်နုန်းတိုးကေလည်း စပါးဈီး မတက်ပါကေ အမြတ်မရဘဲနန့် ဖြစ်နိန်လို့ စပါးဈီး တက်လာဖို့အတွက် မျှော်လင့်ှပနာဟိနိန်ဂတ်တေအကြောင်း သတင်းရပါရေ။

မှတ်ချက်။ နီရဉ္ဇရာကသတင်းကို ရခိုင်ပိုင်အတတ်နိုင်ဆုံးကြိုးစားပနာပြန်ရီးလိုက်ရခြင်းဖြစ်ပါရေ သတ်ပုံနန့် ဝေါဟာရတိ လွဲမှားလို့ဟိခကေ ဖြည့်စွက်ပနာဖတ်ကတ်ပါလို့ တောင်းပန်ပါယင့် ခွင့်လွှတ်နိုင်ဂတ်ပါစီ။
ဦးရာဇ်မြီသားသျှေ

http://www.narinjara.com/detailsbur.asp?id=2180