ထာဝရနန့်အကြွင်းမဲ့

လမင်းကြီးက  သာယာလို့
ညကမ္ဘာကို  ကြယ်စုံညဉ့်ကလွှမ်းခြုံ
လမင်းအောက်က  သဘာစုံတိကလည်း
အမှန်တကယ်  လှပနိန်လီယင့်။
လီပြီလီညှင်းနန့်  ရောင်ခြည်တိက
သဘာဝအလျှောက်   ပျော်ရွှင်နိန်ကတ်သော
သဘာဝတောငှက်  တိရိစ္ဆာန်တိအတွက်
အော်မြည်သံတိ  တ၀ီဝီဖြင့်
ရှုခင်းနန့်  အလှသဘာဝကို
ဖန်တီးပီးဆက်  နိန်လီယင့်။

ညကမ္ဘာကို  ချစ်ခင်တတ်သော
သတ္တ၀ါများရို့ အော်သံတိကလည်း
ရှုခင်း၏  ဆွဲဆောင်မှုကို
အပြည့်အ၀ အားပီးယင်းနန့်
သဘာကြီး တစ်ခုလုံးကလည်း
ပျော်နိန်ပုံပေါက်တယ်။
ဘေးပတ်ဝန်းကျင်  နိန်ရာတိုင်းကလည်း
အလှအပကို ငေးမောကြည့်ယင်း
ယင်းနိန်ရာမှာ ငါလည်းတချက်ချေလောက်
ရပ်ကြည့်လိုက်ချင်လိုက်တယ်။
အေပိုင်အလှတရားနန့် ပြည့်စုံအောင်
ဖန်ဆင်းပီးနိုင် အလိုချင်ဆုံးသော
အရာတစ်ခု မင်းတစ်ယောက်ရာဝေ။
ယုံလိုက်ပါ အချစ်ချေ
အံ့ဩစရာ တစ်ခုက
မင်းဘားမှာ ထားရှိနိန်ရေ
ငါ့အချစ်က ပိုပြီးလေးနက်နိန်လို့ပါ။
လေးရပ်နဒီက  မြစ်ရီတိနနန့်
ရခိုင့်အလှ သဘာဝလီညှင်းတိစွာ
အလှတရားနန့် သစ္စာတရားတိကို
ထာဝရပြောင်းရွှိ သယ်ဆောင်နိန်ရေပိုင်
ငါ့အချစ်ကလည်း နောက်ဆုံးထွက်သက်ထိ
မင်းဘားမှာ တည်မြဲဖို့အတွက်
ငါအာမခံရေ။
မင်းနန့်ငါရို့ နှစ်ယောက်ကမ္ဘာစွာ
ဇာသောအခါမှ အထီးကျန်မဖြစ်
ဇာသောအခါမှ မပြိုမလဲ
ဇာသောအခါမှ မပျော်ရွှင်စရာ
မဖြစ်ရစီဝေ….
ငါ့နှလုံးသားတိက မင်းအတွက်ဆို
ထာဝရနန့် အကြွင်းမဲ့
ထာဝရနန့် အနှိုင်းမဲ့
အရာအားလုံး အချစ်ပါ

ရောဘတ်က လော်ရာပါးသို့ ထာဝရ ချစ်ဖို့အကြောင်း
ရွီးလိုက်တေစာကို ကောက်ချက်ချ၍ ရွီးလိုက်ခြင်းပါ။