ရခိုင်ပြည်သို့ မြတ်စွာဘုရားရှင် ကြွရောက်ခကြောင်း တောင်ပေါက်ကြီးကျောက်စာ

ဗြီတိသျှ အင်္ဂလိပ်ရို့သည် ရခိုင်ပြည်ကို စိုးမိုးအုပ်ချုပ်ခရေ ကာလ စစ်တွေမြို့မှ ကျောက်စာဝန် ဦးစံရွှေဘုသည် ကျောက်တော်မှ မဟာမုနိသို့အလား လမ်းပေါ်ရှိ တောင်ပေါက်ကြီးကျောက်နံနံတွင် ဓည၀တီခေတ် ဘုရားဒါယကာ စန္ဒသူရိယမင်းလက်ထက် ရွီးသားထားခသော ဗြဟ္မီ အက္ခရာဖြင့် ရွီးထိုးထားရှိမှုကို တွိ့မြင်ရ၍ ရွီးကူးမှတ်ယူခပြီး ဗြဟ္မီစာကျွမ်းကျင်သော ယိုးချောင်းမှ ရွှီပန်းခိုင် ဆရာတော်ကြီးအား ပြသကာ မာဂဓ ဘာသာသာသို့ ပြန်ဆိုလိုက်ရာ ရရှိသော ဂါထားတောများမှာ

အောက်ပါအတိုင်းဖြစ်ပါသည်။

(အထ ခေါ ဘဂ၀ါ ဘိက္ခူသံဃံ ပါသာဒံ အာရုဟောပေတွာ ပဉ္စသတဿာ  ပရိဝုတော ဓည၀တီရဋ္ဌံ၊

အာကာသမဂ္ဂေန၊ စာရိကံ စာရမနော ဓည၀တီမဟာနဂရဿ၊ပဆ္စိမဒိသာဘာဂေ၊ ဂစ္ဆပနဒိယာ ပူရတ္ထိမတီရေ သောလာဂီရိ ပဗ္ဗတမုဒ္ဓမှိ၊ ဩရောဟိတွာ ပတိဋ္ဌာတိ။)

အထခေါ၊ ထိုအခါ၌။ ဘဂ၀ါ၊ သုံးလူ့ထွတ်ထား သဗ္ဗညုမြတ်စွာဘုရားသခင်သည်။ ဘိက္ခူသံဃံပါသာဒံ၊ ဘိက္ခူသံဃာတော် ငါးရာနှင့်။ပဉ္စသာတပရိဝုတော၊နတ်ပြဿာဒ်ယာဉ်ငါးရာဖြင့်။ အာကာသမဂ္ဂေန၊ ကောင်းကင်အာကာသခရိးဖြင့်။ ဓည၀တီမဟာနဂရဿ၊ဓည၀တီရွှေမြို့တော်ကြီး၏။ပစ္ဆိမဒိသာဘာဂေ၊အနောက်အရပ်အဖို့၌ဖြစ်သော။ဂစ္ဆပနဒိယာ၊ဂစ္ဆပနဒီခေါ်ကုလားတန်မြစ်ကြီး၏။ပူရတ္ထိမတီရေ၊အရှေ့ဘက်ကမ်းပါး၌။ သောလာဂီရိပဗ္ဗတမုဒ္ဓမှိ၊ ကျောက်အတိပြီးသောတောင်ထိပ်ထက်ဝယ်။ဩရောဟိတွာ၊သက်ဆင်တော်မူ၍။ပတိဋ္ဌာတိ၊ရပ်တန့်တော်မူခဲ့ပါပေသတည်း။

ရခိုင်ရာဇ၀င်အစောင်စောင်တို့၌လည်း မြတ်စွာဘုရားသည် ၀ါတော် (၂၀)မြောက် ရာဇဂြိုဟ်ပြည်၊ တချို့စာပီတို့တွင် (၂၁) ၀ါမြောက်သာဝတ္ထိပြည်ဟု တွိ့ရပြန်သည်။ မဇ္ဈိမဒေသမှ ယူဇနာ ကိုးရာဝီးသော ဓည၀တီရခိုင်ပြည်သို့ နတ်ပြဿာဒ်ငါးရားဖြင့် ကောင်းကင်ခရီးမှ မဟာသက္ကရာဇ် (၁၂၃)ခု၊ ကုဆုန်လဆန်း(၈)ရက်၊ဗုဒ္ဓဟူးနိန့် မိုးထဖက်နိန်ထွက်စချိန်၌ ကြွလာပြီးသော် သေလာဂီရိ ကျောက်တော်တောင်၏ တောင်ဘက်အငူစွန်း မောရပဗ္ဗတတောင်ထွတ် ( ယခု ဇာတီကြီး တည်ရှိသောနိန်ရာ)

တွင်သက်ဆင်းတောမူပြီး အရပ်လေးမျက်နှာသို့ ကြည့်ရှုကာ ပြုံးပြတော်တော်မူ၍ အာနန္ဒာ၏ လျှောက်ထားချက်အရ အတိတ်ဆောင်ကာ နောင်ဓါတ်တော်တည်လာမည့် နိန်ရာဒေသတိကို ဗျာဒိတ်ထားပြီးရောင်ခြည်တော်ခြောက်သွယ် ကွန့်မြူးလိုက်သော် မဟာပထ၀ီမြီကြီး တသိမ့်သိမ့်တုန် မြည်ဟီးလျက် ကောင်းချီးပီးသည်ဟုတွှိ့ရိရပေသည်။

ကိုးကာချက်

ဓည၀တိ ဦးအောင်ဇေယျ   (မြောက်ဦး)၏

ပထမအကြိမ်ထုတ် ရခိုင်မင်းဆက်များနန့် ဗုဒ္ဓသာသနာတော် စာအုပ်