ငါ့ရင် အဆွီးအဟောင်းဆိုရေအထဲက
ငါ့သွီး ငါ့ဘွား
ငါ့သား ငါ့သမီး
ငါ့မြီးငါ့မြစ်
ငါ့မျိုးဆက် အသစ်သစ်တိ
ရီကြည်ရာ မြတ်နုရာဆိုစွာကို
နိစဉ်ထွက်ခွါ နိန်ကတ်တေအခါ။
ငါ့အရီအပြားကို
ထွက်သွားထက်ထက်သျှေနန့်
တစ်ချက်ချေခြစ်မကြည့်ခ
ငါ့သွီးပင်လယ်မှာ
အဏ္ဏ၀ါ သယံဇာတ
ဇာဇာဟိလေဆိုစွာလေ့ မစူးစမ်း
ငါ့အရိုး ဒဒေါင်မာ
ရိုးတောင်ခြီတရိုးကိုလေ့
ဂျီအိုဆက်စီမိုဂရပ်နန့် မနှိုက်ချွှတ်
ငါ့ကိုကြောခိုင်း အရိုးမြီအသစ်မှာ
အခိုင်းခံအောက်ခြီဘ၀နန့်
ရလာရေဒေါ်လာအတိုအစ
ငါ့ခြီဖ၀ါးကသဲပွင့်နန့် မနှိုင်းသာ
ရိုးတောင်ခြီကိုပြန်လာ ရိုးတောင်ခြီမှာပြန်ဆုံ
အနာဂတ်ကိုရောင်စုံအလှခြယ်ကတ်မေ ။
ရခိုင်အမျုးသာနိုးကြားရေစာစောင်
No comments:
Post a Comment