ရိုးတောင်ခြီအောက် ရိုးအနောက်က
ရခိုင်ပြည်ပေါက်ဖွား ရိုင်သားရို့
ရိုးမတောင်ကြီး မပျက်စီးအောင်
အစိုင်စောင့်ရှောက်လားကတ်တေ။
ငရို့ဘိုးဘွား ရခိုင်များလည်း
လူမျိုးမပျောက် ရိုးမပျောက်အောင်
ကိုယ့်သွီးကိုယ့်သက် ပီးခရေ
အာဂယောင်္ကျား ဇာနီဖွား
ထင်ရှားကျော်ကြားရခိုင်သားရို့
ငါ့သား မြီးများ ငါ့သွီးသားတိ
သိကတ်လီအောင် စိတ်မှန်ဆောင်လို့
အသက်ကိုပီး လက်မောင်းသွီးနန့်
သီတမ်းစာတိရွီးခရေ။
ဩော်……………………….
ရက္ခမဏ္ဍိုင်ပြည်ရက္ခိုင်က
ရက္ခနွယ်ဘွား လူသားများရို့
နွားကွဲလို့ ကျားဆွဲရေ
ဖြစ်ကြောင်းချေကို
စိတ်မှာစွဲလျက် သတိဖက်လို့
ဇာသူခွဲခွဲ သွီးမကွဲဘဲ
ရိုးရာကိုကြိုက် အမျိုးချစ်ပနာ
သမိုင်းတစ်ခေတ် ဖြစ်ဆန်းသစ်အောင်
အားလုံးစည်းရုံးဂတ်ပါမေ။။။
နီမင်းခိုင် (ရက္ခရမ္မာ)
ရခိုင်အမျိုးသားနိုးကြားရေးစာစောင်
No comments:
Post a Comment