(ရခိုင်သားများ ရခိုင်စကားပြောခြင်းဖြင့် ဂုဏ်ယူပါ)

ကျွန်တော်အေးကျော်ပါ။ မည်သည့်ပါတီအဖွဲ့အစည်းကိုမှ ကိုယ်စားပြုတက်ရောက်ခြင်းမဟုတ်ပါ။ ပညာသျှင်တဦးအနေဖြင့် မိုင်ပေါင်းထောင်သောင်းကွာဝီးရေ ခရီးကလာပြီး အေသားသမီးတိနန့် တွိရရေအတွက်ကြောင်း ကကောင်း ၀မ်းမြောက်ပါရေ။ ရခိုင်ပြည်၏အနာဂါတ် တနည်းအားဖြင့် မြန်မာပြည်၏အနာဂါတ်ကို ကနိလူငယ်ချေတိ ဇာပိုင်တွေးတောကတ်တေလဲဆိုရေ အယူအဆစွာ နက်ဖန် ရခိုင်ပြည်ကို ဇာပိုင်ဖြစ်လာမည်ဆိုရေ အဆုံးအဖြတ်ပါ။ တနည်းအားဖြင့် အောက်စဖိုဒ့်တက္ကသိုလ်က ကနိသင်ခန်းစာရေ နက်ဖန်ခါ ဗြိတိသျှနိုင်ငံ၏အတွေးအခေါ်အယူအဆဖြစ်တေ။ ထိုနည်းတူစွာ မြန်မာပြည်က လူငယ်ချေတိ ကနိတွေးခေါ်ခြင်းသည် နက်ဖန် မြန်မာပြည် ဇာဖြစ်ဖို့လဲဆိုရေ အဖြေဖြစ်သည်။ ကျွန်တော်သမိုင်းဆရာတယောက်ဖြစ်တေအတွက် ကြုံတုန်းပြောရစွာဖြစ်ပါရေ။

အနာဂါတ်ရခိုင်ပြည်ကို ဇာပိုင်လုပ်ဖို့လဲ စဉ်းစားကတ်ရဖို့။ လက်ဟိ (ANC) ကို ဇာပိုင်ဖွဲ့စည်းဖို့လဲ။ ဇာကြောင့် ကျွန်တော်ရို့အဖွဲ့အစည်းတိ ရက်ပြတ်ရက်ပြတ် ပြိုနီကတ်တေလဲ။ အမေရိကန်မှာဘဲနီနီ၊ အင်္ဂလန်မှာဘဲနီနီ၊ ယိုးဒယားမှာဘဲနီနီ ရခိုင်ရေလူနည်းစုဖြစ်လို့ သူများထက်စည်းလုံးရဖို့၊ သည်းခံစိတ်မွီးကတ်ရဖို့။ အစ္စရေးနိုင်ငံသားတိ ကကောင်း စည်းလုံးညီညွတ်ပါရေ။ ဇာသူရန်တိုက်ရန်တိုက် စည်းစည်းလုံးလုံးနီကတ်တေ။ ယင်းကြောင့် ကျွန်တော်ရို့ ရခိုင်သားတိမှာလည်း အစည်းအဝေးမှာ အတိုက်အခံပြောရခါဟိဖို့။ အပြင်မှာလည်း သဘောမတူစွာတိ ဟိဖို့။ ကိုယ့်သဘောနန့်မတူတိုင်း ကျွန်တော်ရို့ ရခိုင်ပြည်အတွက် အကျိုးမပြုလို့ သတ်မှတ်လို့မရ။ ရခိုင်သားစွာ လူနည်းစုဖြစ်တေအတွက် သူများ (၁) နာရီလုပ်ကေ ကိုယ် (၃) နာရီလုပ်မှ ဖြစ်ဖို့။

ဇာနိုင်ငံရောက်ရောက် စည်းလုံးရဖို့။ ကြိုးစားကတ်ဖို့ ကကောင်း အရေးကြီးပါရေ။ ရခိုင်ဆိုစွာ အမျိုးသီလကိုစောင့်လို့ (ကိုယ့်စကား ကိုယ်ပြောလို့) နှစ်ပေါင်း (၃၀၀၀) (၄၀၀၀) ကြာနီစွာ။ အောက်ခြီအကျဆုံးက ဗုဒ္ဓဘာသာ။ နောက် (အာရက္ခ ဒေ၀တာ) မိမိနိုင်ငံ ပတ်ဝန်းကျင်ကို စောင့်ယှောက်တတ်လို့ (အာရကန်) လို့ ခေါ်ရေ။ ယေကေလဲ့ ရခိုင်သားတိ ဇာကြောင့် (အာရကန်) လို့ မခေါ်လဲဆိုစွာ ကျွန်တော်ဖြေမည်။ တရုတ်ပြည်သားတိက တရုတ်လို့လည်းမခေါ်။ ချိုင်းနားလို့လည်းမခေါ်။ သူရို့ကိုသူရို့ (ကျုံဖော်) လို့ခေါ်ရေ။ ကျုံဖော်ဆိုစွာ အလယ်အလတ်လို့ အဓိပ္ပါယ်ရရေ။ ချိုင်းနား (China) (ဟာချိန) ဆိုစွာ သက္ကဋဘာသာစကားကလာစွာ။ (ချိ) ဆိုစွာ စေးကပ်တေ။ (န) ဆိုစွာ (မြီကြီး၊ ကျုပ်၊ ကျမန်း) လို့ အဓိပ္ပါယ်ရရေ။ ယင်းကြောင့် ကျုပ်၊ ကျမန်းသားတိနန့်လုပ်တေ အိုးခွက်တိထွက်တေ တိုင်းပြည်လို့ အဓိပ္ပါယ်ရရေ။ အနောက်နိုင်ငံသားတိကရာ (China) လို့ခေါ်စွာပါ။ ထိုနည်းတူစွာ (ကောလိယ) ဆိုရေနိုင်ငံစွာ (ကောင်းလီ) စကားက ဆင်းသက်လာစွာ ကကောင်းမြင့်မြတ်တေ တိုင်းပြည်လို့ အဓိပ္ပါယ်ရပါရေ။

ယေကေလဲ့ ကော်လီယံလူမျိုးတိက သူရို့ကိုသူရို့ (ဟန်ကော့) လို့ခေါ်ရေ။ ယင်းကြောင့် ရခိုင်ကို ရခိုင်လို့ရာခေါ်ပြီးကေ (အာရကန်) လို့မခေါ်ရခြင်းအကြောင်းကို လူတိမိန်းလာကေ ပြောတတ်အောင် ဆရာကြီးက ပြောပြရခြင်းဖြစ်တေ။ နောက်တမျိုးက (မောက်) လို့ခေါ်ရေ။ (မာဂီ) ဆိုရေ ပါဠိစကားကလာစွာ။ (မဂဓ) ဆိုစွာ ဘုရားပွင့်ရေ (မာဂဓ) တိုင်းသားလို့ အဓိပ္ပါယ်ရရေ။ ရခိုင်၊ အာရကန်၊ မောက် (၃) မျိုးခေါ်ရေ။ အနောက်နိုင်ငံစာပီတိမှာ ရခိုင်ကို (မောက်) လို့ ခေါ်ရေ။ ယင်းချင့်က သမိုင်းနန့်ပါတ်သက်လို့ ဆရာပြောပြရခြင်းဖြစ်တေ။

မှတ်ချက်။ ။
ဆရာကြီးက ရခိုင်စကားဖြင့်ဟောပြောသည်ကို (တနပ်စာကို၊ တသက်စာထင်၊ ခွီးအမြင်) ဖြင့် ရခိုင်စကားတလုံးမပါသော (ရခိုင်အမျိုးသားသတင်းစာ) က လျှာယားအာယားဖြင့် ဆရာကြီးသိက္ခာကျအောင် တမင်အကွက်ဆင်၍ မြန်မာစကားဖြင့် လုပ်ကြံထားသည်ကို ၀မ်းနည်းဖွယ်တွိရပါသောကြောင့် နောင်လာရခိုင်သူရခိုင်သားများ အဆိပ်အတောက်မဖြစ်ရစီရန် ဆရာကြီးဟောပြောသော မူရင်းရခိုင်စကားဖြင့် (ဘာသာပြန်) တင်ပီးရခြင်းဖြစ်ပါသည်။ (ကျွန်သဘောက်များ ကောင်းရာသုဂတိလားပါစီ။ ဆရာကြီး သက်တော်ရာကျော်ရှည်ပါစီ။)

(ရခိုင်သားများ ရခိုင်စကားပြောခြင်းဖြင့် ဂုဏ်ယူပါ)

Ref:http://www.arakanmusic.com/