ပုဏ္ဏားကျွန်းမြို့. ပညာပါရမီစာသင်တိုက်
ဆရာတော် ဘဒ္ဒန္တ ဣန္ဒ၀ံသာဘိဝံ၏
တပည့်များအတွက် ဘ၀လက်ဆောင် စာစုများ
(၁) တပည့်ရို့-
ကိုယ့်ဘ၀ကို လှပချင်ကတ်တယ်လား
ကိုယ့်ဘ၀ကိုလှပချင်ကေ
“ ကိုယ့်ဘ၀အလှကို ဇာသူမှ အလှမဆင်ပီးနိုင် ”ဆိုစွာကို မြဲမြဲမှတ်ပါ။
(၂) တပည့်ရို့-
လူတော်ဆိုစွာ
လူတိုင်းမဖြစ်နိုင်ကေလည်း
လူတိုင်းက လူကောင်းဖြစ်ယောင်တော့ခါ ကြိုးစားနိုင်ပါရေ။
(၃) တပည့်ရို့
အထွဋ်အထိပ်သို့ရောက်လားခကတ်တေလူတိစွာ
လူသာမန်တိ မလုပ်နိုင်ရေအလုပ်တိကို
မိမိရို့လုပ်နိုင်ယောင် ကြိုးစားလားခကတ်တေလူတိပါရာ။
(၄) တပည့်ရို့-
ထူးချွန်ချင်ရေ ပုဂ္ဂိုလ်ဆိုစွာ
သိလည်းသိချင်ရဖို့ တတ်လည်းတတ်ချင်ရဖို့
လုပ်လည်းလုပ်ချင်ရဖို့ ပြီးယောင်လည်းလုပ်ရဖို့။
(၅) တပည့်ရို့
လေ့လာသင်ကြားမှုရာဟိပနာ
လုပ်ကိုင်ဆောင်ရွက်မှုမဟိခကေ
ဇာအရာတိမှ မပြီးစီနိုင်ပါ
လုပ်ကိုဆောင်ရွက်မှုရာဟိပနာ
လေ့လာသင်ကြားမှု မဟိခပြန်ကေလည်း
ဇာအရာတိမှ မတိုးတက်နိုင်ပါ။
(၆) တပည့်ရို့-
ရီကြိုင်စွာ မနောက်နိုင်လို့မထင်ကတ်ကေ့
ရီနောက်ကလည်း မကြိုင်ယာလို့လည်း မမှတ်ကတ်ကေ့
ယင်းနည်းတူစွာ
လူကောင်းစွာ လူဆိုးမဖြစ်နိုင်လို့ မထင်ကတ်ကေ့
လူဆိုးလည်း လူကောင်းမဖြစ်နိုင်လို့ မမှတ်ကတ်ကေ့
ယေဒါလည်း
ရီကြိုင်က နောက်ဖို့လွယ်ရေပိုင်
လူကောင်းကလည်း ဆတိုးဖို့လွယ်ပါရေ အချိန်ကလည်း အများမလိုအပ်ပါ။
နောက်လားခရေ ရီက ကြိုင်ဖို့ခက်ရေပုင်
ဆိုးမိလားခရေလူကလည်း ကောင်းဖို့ခက်ပါရေ။
မဆိုးမိယောင်ကြိုးစားပါ
ဆိုးမိခကေလည်း အချိန်မှိန် ပြန်ကောင်းယောင်ကြိုးစားပါ။
(၇) တပည့်ရို့-
အမှန်တရားတိုင်ကလည်း လူအများမကြိုက်မဖြစ်နိုင်ပါ
လူအများကြိုက်တိုင်လည်း အမှန်တရားတရားကမဖြစ်နိုင်ပြန်ယာ
အမှန်တရားဖက်ကရပ်တည်ရေအခါ အများအကြိုက်ကလွတ်လားတတ်တယ်။
လူအများအကြိုက်ကို လိုက်ရရေအခါမှာ
အမှန်တရားနန့်ဝီးချင်ကေ၀ီးလားခကတ်တယ်
အမှန်တရားနန့် အများအကြိုက် အားပြိုင်ရေအခါ
ညှိနှိုင်းဆောင်ရွက်နိုင်မှု စွမ်ရည်က အဆုံးအဖြတ် ဖြစ်ပါလိမ့်မည်။
(၈) တပည့်ရို့
ကိုယ်ချမ်းသာခိုက် ကိုယ့်အပေါင်းအသင်များက ကိုယ့်မိတ်ဆွီတိဖြစ်ကတ်တယ်
ကိုယ်ဆင်းရဲခိုက် ကိုယ့်အပေါင်းအသင်းများက ကိုယ့်မိတ်ဆွီကောင်းများဖြစ်တယ်။
လူတိုင်းကမိတ်ဆွီ ဖြစ်ဖို့ကလွယ်ပါရေ မိတ်ဆွီကောင်းဖြစ်ဖို့ကတော့ခါ မလွယ်ပါ။
(၉) တပည့်ရို့
ဇာသူ့ပါးမှာ ကောင်းစွာမကောင်းစွာက
ကိုယ့်အတွက် ပဓာနမဟုတ်ပါ
ကိုယ့်ပါးမှာကောင်းကေ ကိုယ့်မိတ်ဆွီကောင်းလို့ သတ်မှတ်နိုင်ရမည်။
ကိုယ့်ပါးမှာ ကောင်းရေလူကို ကိုယ်ကပြန်ကောင်းဖို့ ကိုယ့်မှာတာဝန် ဟိရေဆိုစွာကို
ဇာအခါမှလည်း မမိန့်ပျောက်ပါကေ့။
(၁၀) တပည့်ရို့
ကိုယ်က လူကောင်းလား လူဆိုးလားဆိုစွာကို ကိုယ်တိုင်ဆန်းစစ်ကြည့်ပါ
ကိုယ်ကလူဆိုးဖြစ်နိန်ကေ လူဆိုတိကကိုယ့်ကိုကြိုက်နှစ်သက်ပနာ ၀ိုင်းနိန်ကတ်လိမ့်မည်။
ကိုယ်ကလူကောင်းဆိုကေလည်း လူကောင်းတိက ပေါင်းသင်းကတ်လိမ့်မည်။
ကောင်းရေအရာမှာ ပျော်ကေ ငါက လူတော်ပါလားလို့မှတ်ပါ
မကောင်းရေအရာမှာပျော်ကေ ငါကလူရှော်ပါလားလို့ သဘောပေါက်ပါ။
(၁၁)တပည့်ရို့-
ကိုယ်ကဘုန်းကြီးလား လူလားဆိုစွာကိုပြန်ကြည့်ပါ
ဘုန်းကြီးဆိုကေ လူပိုင်တော်ဖို့ထက် ဘုန်းကြီးပိုင် တော်ဖို့ ပိုလို့အရေးကြီးလိမ့်မည်။
လူဖြစ်ကေလည်း လူပိုင်တော်ဖို့ ပိုအရေးကြီးပါလိမ့်မည်။
ကိုယ်ကတစ်ခြား တော်စွာက တစ်ခြားဖြစ်နီကေ ကိုယ့်ဘ၀အမှန်ကို ကိုယ်ကမသိရေလူဖြစ်နိန်လိမ့်မည်။
(၁၂)တပည့်ရို့-
လောကြီးကို ကိုယ့်အလိုပါအောင်လိုင်ချင်လျင်
လောကကြီးအလိုအတိုင်း ကိုယ်ကအယင်နီထိုင်တတ်ရမည်။
စိတ်ချမ်းသာချင်ကေ လောကကြီးကို ကိုယ့်အလိုကျမဆွဲဆောင်ပါကေ့
လောကကြီးအလိုကျ ကိုယ်ကလိုက်ပါ။
(၁၃)တပည့်ရို့-
ပညာသင်ကြားမှုမှာ တတ်မြောက်မှုကပန်းတိုင်ပါ။
အလုပ်လုပ်မှုက ပြီးမြောက်မှုမာ ပန်းတိုင်ပါ
ကိုယ့်ပန်းတိုင်ကဇာလည်းဆိုစွာကို ကိုယ်ကနားလည်ရမည်။
ပညာသင်နီရေလူတစ်ယောက်အတွက် တတ်မြောက်မှု မဟိခကေ
ပြီးမြောက်မှုက ပန်းတိုင်မဟုတ်ပါ။
အလုပ်သမားတစ်ယောက်အတွက် ပြီးမြောက်မဟိခကေ
တတ်မြောက်မှုက ပန်းတိုင်မဟုတ်ပါ။
(၁၄)တပည့်ရို့-
သူတစ်ပါးလိမ်မာယောင် ဆုံမချင်ကေ ကိုယ်ကအယင်လိမ်လိမ်မာမာနိန်နိုင်တတ်ရမည်။
သူတစ်ပါးကိုရီးကူးသင်ချေင်ကေ ကိုယ်ကအယင်ရီးကူးကျွမ်းကျင်ရမည်။
သူတစ်ပါးကိုလမ်းညွှန်ချင်ရေလူစွာ ကိုယ်ကအယင်လမ်းကျွမ်းကျင်ရမည်။
ကိုယ်တိုင်ကသင်္ချာမတွက်တတ်ကေ ဇာသူ့ကိုယ်မှ သင်္ချာတတ်ယောင်
သင်မပီးနိုင်လို့မှတ်ပါ။
(၁၅)တပည်ရို့-
ကိုယ့်အထက်ကိုမော်ကြည့်လိုက်ပါ ကိုယ့်ထက်သာရေလူတိ
အများကြီးဟိရေဆိုစွာကိုတွိရပါလိမ့်မည်
ယင်းကြောင့်- အားမငယ်ပါကေ့။
ကိုယ့်အောက်ကိုကြည့်လိုက်ပါ ကိုယ့်အောက်ညံ့ရေလူတိအမားကြီး
တစ်ပုံကြီးတွရပါလိမ့်မည်
ယင်းကြောင့်- ဘ၀င်မမြင့်ပါကေ့။
အရှိ -အနောက် တောင်-မြောက် ကြည့်လိုက်ပါ
ကိုယ့်နန့်တန်းတူလူတိ အနန္တတွိရပါလိမ့်မည်
ယင်းကြောင့် -ပေါ့ပေါ့ တန်တန် သတိမဟိဘဲမနိန်ကတ်ပါကေ့။
(၁၆)တပည့်ရို့-
ကိုယ်ရောက်ချင်ရေ ခရီးပန်းတိုင်ဆိုစွာ နီးချင်ကေလည်း နီလိမ့်မည်
ဝီးချင်ကေလည်း ၀ီးလိမ့်မည်။
နီးနီးဝီးဝီး လျှောက်ရေလူရာ ရောက်ပါလိမ့်မည်။
မလျှောက်ရေလူက ဇာခါမှ ရောက်လိမ့်မည်မဟုတ်။
ယင်းနည်းတူစွာ -
ပညာဆိုစွာ လွယ်ချင်ကေလည်း လွယ်လိမ့်မည်
ခက်ချင်ကေလည်း ခက်လိမ့်မည်။
လွယ်လွယ်ခက်ခက် သင်ကြားရေလူရာ တတ်မြောက်ပါလိမ့်မည်။
ပျင်းနီရေလူကတော့ခါ ဇာခါမှ တတ်လိမ့်မည်မဟုတ်ပါ။
ရောက်ချင်ကေ လျှောက်ရပါလိမ့်မည်
တတ်ချင်ကေ သင်ရပါလိမ့်မည် အောင်ချင်ကေ ကြိုးစားရပါလိမ့်မည်။
(၁၇)တပည့်ရို့-
ပညာတတ်ထားကေလည်း ပညာကိုအသုံးမချတတ်ကေ
မပွင့်တတ်ရေ ပန်းပင်ပိုင်ဖြစ်ပါလိမ့်မည်။
ပညာတတ်ထားကေလည်း ပညာကိုလက်ဆင့်မကမ်းပီးနိုင်ကေ
မသီးတတ်ရေ သစ်ပင်ပိုင်ဖြစ်ပါလိမ့်မည်။
ပန်းပင်ဆိုစွာ ပွင့်မှလှရေ
သစ်ပင်ဆိုစွာ သီးမှ တင့်တယ်ရေ။
(၁၈)တပည့်ရို့-
မုန်းတိုင်းဆိုစွာက သင်္ဘောသားကောင်းတစ်ယောက်ကို
သတ္တိနန့်စွမ်းရည်ကိုပြသနိုင်ဖို့အတွက် အခွင့်အရေးတစ်ခုပါ။
အခက်အခဲဆိုစွာက လူတော်လူကောင်းတစ်ယောက်၏
သတ္တိနနမ့်စွမ်းရည်ကိုပြသနိုင်ဖို့အတွက် အခွင့်အရေးတစ်ခုပါ။
စာမိန်းဆိုစွာက တပည့်တစ်ယောက်ကိုနှိမ့်ချချင်လို့ ဆရားသမားတိက ပြုလုပ်စွာမဟုတ်ပါ။
တပည့်ကို အဆင့်မြင့်စီချင်လို့ ဆရာသမားတိက ပြုလုပ်ပီးခြင်းဆိုစွာကို မြဲမြဲမှတ်ပါ။
(၁၉)တပည့်ရို့-
ရတနာဆိုစွာက ရတနာကိုသိပြီးမှ ရတနာတန်ဖိုးကိုနားလည်ပနာ
ရတနာနန့်ထိုက်တန်ယောင် မြတ်နိုးတတ်တေ ရတနာပိုင်ရှင်လက်မှာရာ တည်မြဲပါရေ။
ပညာဆုစွာကလည်း ပည်ာတန်ဖိုးကိုနားလည်ပနာ
ပညာနန့်ထိုက်ယောင် မြတ်ိနိုးတတ်တေ ပညာရှင်လက်မှာရာ တည်မြဲပါရေ။
ရတနာကိုပိုင်မှရတနာရှင်ဖြစ်ရေ ပညာကုိပိုင်မှ ပညာရှင်ဖြစ်ရေ။
(၂၀)တပည့်ရို့-
စည်းကမ်းကလူကို မထိမ်းပါရစီကေ့ လူကစည်းကမ်းကိုထိမ်းပါ။
စည်းကမ်းကလူကိုထိမ်းကျောင်းရကေ လူကတန်ဖိုးကျနိန်ရေ။
လူကစည်းကမ်းကိုထိမ်းကျောင်းနိန်ကေ လူကတန်ဖိုးတက်နိန်ရေ။
အသုံးမကျရေလူတိကို စည်းကမ်းကထိမ်းရပါရေ
အသုံးကျရေလူတိကတော့ခါ စည်းကမ်းကိုထိမ်းပါရေ။
(၂၁) တပည့်ရို့-
ခြံဖေါက်တတ်ရေနွားက ပိုင်ရှင်မမြဲနိုင်ပါ
အသက်ကလည်းတိုတတ်ပါရေ။
စည်းကမ်းဖောက်တတ်ရေလူကလည်း နိန်ရာမမြဲပါ ဘ၀လည်းပြိုတတ်ပါရေ။
လူမမြင့်မြတ်ကေ စိတ်ဓါတ်ကိုမြင့်မြတ်ယောင်ထားပါ။
စိတ်ဓါတ်မြင့်မြတ်ကေ လူလည်းမြင့်လာပါလိမ့်မည်။
(၂၂)တပည့်ရို့-
အကောင်းဆုံးဆိုရေ အနာဂါတ်ကို ပိုင်ဆိုင်ချင်ရေလူက
ပစ္စုပ္ပန်ကိုအကောင်းဆုံးဖြစ်ယောင်ကြိုးစားရပါလိမ့်မည်။
အချိန်ကိုဖြုန်းတီနိန်ခြင်းက ဘ၀ကိုဖြုန်းတီးနိန်ခြင်း လို့မှတ်ပါ။
အချိန်ထက်ပိုလွန်ရေ ဘ၀ဆိုစွာ ဇာသူ့မှာမှ မရှိနိုင်ဆိုစွာကို မြဲမြဲမှတ်ပါ။
အချိန်တစ်နာရီ ကုန်လွန်လားခစွာက ဘ၀တစ်နာရီ ကုန်လွန်လားခရေလို့ မြဲမြဲမှတ်ပါ။
အချိန်ရှိသမျှ ဘ၀ကို အကောင်းဆုံးဖြစ်ယောင် တည်ထောက်ပါ။
(၂၃)တပည့်ရို့-
လောကလူသားတိုင်းက ချမ်းသာသုခကို အငမ်းမရ လိုချင့်တောင့်တကတ်ပါရေ
အတိုင်းအဆမရှိယောင်လည်း ရှာဖွီကတ်ပါရေ။
ယေဒါလည်း
ချမ်းသာသုခကိုတော့ ဘ၀ကိုအနိန်တတ်ယောင် ကျင့်သုံးလိုက်နာရေလူတိမှရာ ရနိုင်ပါရေ။
ဘ၀အနိန်အထိုင်မတတ်ရေလူတိအတွက် ပိုင်ဆိုင်ခွင့်ရရေ ဘ၀များကတော့ခါ
ဆင်းရဲခြင်းအတိရာဖြစ်နိန်ပါလိမ့်မည်။
မရောင့်ရဲနိုင်ရေလလူတစ်ယောက်၏ ဘ၀ကတော့
ကမ္ဘာကြီးတစ်ခုလုံးကိုပိုင်ဆိုင်ထားကေလည်း ချမ်းသာလိမ့်မည်မထင်ပါကေ့။
ဘ၀အနိန်တတ်ပါမှ ချမ်းသာသုခကိုရပါလိမ့်မည်။
ပါရမီဆရာတော်
No comments:
Post a Comment